තමන් මිලදී ගත් ටෙලිපෝන් සහ ඉන්ටර්නේට් කාඩ්වල ඉතිරිය වන රුපියල් 2ක
යළි ඉල්ලූ නිසා වෙළඳසැල් හිමියෙකු තමාගේ බෙල්ලෙන් අල්ලා එළියට දැමූ බව
ප්රවීණ සරසවි ආචාර්යවරයෙකු වන නිර්මාල් රංජිත් දේවසිරි මහතා සිය ෆේස්බුක්
ගිණුමේ තැබූ සටහනකින් අනාවරණය කර තිබෙනවා.ඔහු එම සටහන මගින් තමන් මුහුණදුන් සිද්ධිය විස්තර කර ඇති අතර මේ ගැන මහරගම පොලීසියේ පැමිණිල්ලක් දැමූ බවද එහි සඳහන් කර තිබෙනවා.
නිර්මාල් රංජිත් දේවසිරි මහතා තමන් මුහුණදුන් එම සිදුවීම විස්තර කර තිබුණේ පහත පරිදිය.
අද උදේ ටෙලිපෝන් සහ ඉන්ටනෙට් කාඩ් කීපයක් ගැනීමට පන්නිපිටිය හන්දියේ වෙළදසැලකට ගියෙමි. රු. 49ක් හා 99 ක් වටිනා ඉන්ටනෙට් කාඩ් වල ඉතිරි රුපියල් දෙක නොලැබුණි. ඒ පිළිබද විමසූ විට රුපියල් දෙක කව්රුත් නොඉල්ලන බව කියමින් ඔහු මගේ ඇගට ආවේය. රුපියල් දෙක මට වැදගත් බැවින් එය අවශ්ය බව කී පසුව පසුව ඔහු චණ්ඩි ස්වරූපයක් ආරෝපණය කරගෙන මට රුපියල් දෙක දුන්නත් මා ඔහුට පාරිභෝභික අයිතිවාසිකම් ගැන දේශනයක් දීමට ගිය නිසා ඔහුට නැවතත් මල පැන්නේය. මට වෙළද සැළෙන් පිටවන ලෙස තර්ජනය කළේය. මම වෙළදසැළ ප්රසිද්ධ ස්ථානයක් බවත් මාව බලෙන් එළියට දැමීමට ඔහුට අයිතියක් නැති බවත් ඔහුට මතක් කර දුනිමි. පසුව ඔහු මගේ බෙල්ලෙන් අල්ලා එළියට දැමීය. මම මහරගම පොළිසියේ පැමිණිල්ලක් දැමුවෙමි. පොලීසියේදී ඔහු හමු වීමට බලා සිටිමි.
No comments:
Post a Comment